UJAN
Bulane ilang amah Kalarau
Peteng dedet ngebekin gumi
Mengkeb bintange ane baduur
Sang Hyang Wisnu mangkin mamargi
Ngrecek...
Uli duur kecog-kecog di natahe
Grudug...
Gebug gumi ngantos uug
Makadadua sareng majalan
Masikian nenten dados maimpas
Sang Bayu rauh nyarengin
Ngrebes ngupin gumi
Dingin karasa ring awak
Manyusup nganti ka tulang
Katak dongkang pada girang ya macanda
Engkog-engkog mamunyi saling sautin
Krik-krik munyin jangkrik
Mangunang dedalu ngeberang raga
Nyilih kampid ring tetani
Gumi tuh sakancan belus
Ngaenang liang keneh petanine
Sewai-wai nunas mangda ulung
Yeh ujan ngebekin carike
Olih: Gede Agus Sudiatmika Wijaya
Tidak ada komentar:
Posting Komentar