BEBOTOH KALAH
Bebotoh kalah
Data-data bakat babit
Kene pelih keto pelih
Ene tidong ento tidong
Pedidi ngelah sikut
Pedidi ngaba patut
Bes cenik bes lantang
Momone saruang
Basangne liu kuang
Keneh ulanin
Ane joh paekang
Ane paek johang
Makejang bakat pesuang
Makejang bakat baan nyarca
Siape ngoyong bakat pelihang
Panes basange tusing ngidang naenang
Barang-barang telah entungang
Bucun mejane jani kedengang
Nyemak pis makejang telahang
Bebotoh kalah
Arepang kija apang melah?
Olih: Gede Agus Sudiatmika Wijaya
Tidak ada komentar:
Posting Komentar