ULIAN MATA NEMU TRESNA
Indria sueca Widhi
Nyarengin manusa nongos ring gumi
Pancane wantah lelima
Ngisi urip nyalanin rasa
Suryane nyentak nyarengin widadari saking suarga
Paras ayu madaging madu
Ngitukin hati ngeburin rasa
Ulian mata sane matemu
Tresna kapanggih
Munyin kulkul ngebug ring hati
Nyaratang manah ngantos mesuang
Nurunang Ida Sang Hyang Semara
Liang karasa
Tatkala Rama matemu Sitha
Nyangkepin tresna sane sujati
Maraga ardha maraga nareswari
Ulian mata nemu tresna
Tresna luih wantah sujati
Punika sane kaaptiang
Sareng majalan kaiket nganti mati
Olih : Gede Agus Sudiatmika Wijaya
Tidak ada komentar:
Posting Komentar